Arne Slot ka arritur të debutojë te Liverpool në mënyrën më të mirë të mundshme. Trajneri holandez ka arritur të sigurojë 3 fitore në 3 ndeshjet e para me “The Reds”.
Në këtë mënyrë Liverpool kryeson me 9 pikë së bashku me Manchester Cityn. Arne Slot ka arritur në mënyrë përfekte të fitojë dashurinë e tifozëve, pavarësisht vështirësisë për të zëvendësuar Jurgen Klopp.
Fitorja ndaj United me shifrat 3-0 është spektakolare, duke marrë parasysh se është rivali direkt i Liverpool si dhe ndeshja e parë e Slot në “Old Trafford”. Ka fituar 3 ndeshjet e para në Premier League.
Diçka të tillë e ka bërë pa pësuar asnjë gol dhe kjo padiskutim e vendos në krye të listës së arritjeve. Vetëm Jose Mourinho dhe Sven-Goran Eriksson e kishin arritur këtë para tij.
