Skënderbeu po luan kundër Vllaznisë ndeshjen e vlefshme për javën e tretë të Kategorisë Superiore.
Me vetëm 1 pikë në dy javët e para të kampionatit, korçarët duan reagimin për të mos lejuar një krizë të mundshme në ekip.
Ndërkohë në krahun tjetër shkodranët vijnë më të relaksuar, pasi kanë 4 pikë në dy ndeshjet e para.
Për sa i përket sfidës që po zhvillohet në Korçë, pjesa e parë është mbyllur me rrjeta të paprekura edhe pse rastet për të dyja skuadrat nuk kanë munguar.
Ndërkohë një episod ka ndodhur në minutën e 22-të të sfidës duke penalizuar ndjeshëm shkodranët. Dodaj fillimisht ndëshkohet me karton të verdhë për ndërhyrje të gabuar ndaj Vangjelit.
Por pas ndërhyrjes së VAR-it, gjyqtari Beqiri, ndryshon vendimin dhe ndëshkon me karton të kuq sulmuesin duke lënë skuadrën e tij me 10-të lojtarë.
