Belind Këlliçi ka publikuar disa pamje skandaloze nga Lagjia 1 në Durrës, përballë Muzeut Arkeologjik, aty ku çdo ditë kalojnë me mijëra turistë.
Në fotot e postuara në Facebook nga anëtari i kryesisë së Partisë Demokratike, shfaqen kazanë të tejmbushur me plehra, duke treguar qartë gjendjen alarmante të menaxhimit të mbetjeve në qytet.
Këlliçi ka denoncuar edhe një herë inceneratorin e Tiranës, i cili, sipas tij, jo vetëm që nuk ekziston në realitet, por edhe po “djeg” buxhetin e Bashkisë së Durrësit.
Live nga qyteti i Durrësit!
Kjo është situata në Lagjen 1 në Durrës, përballë Muzeut Arkeologjik, aty ku çdo ditë kalojnë me mijëra turistë!
Mos harroni se Inceneratori inekzistent i Tiranës, ‘djeg’ edhe buxhetin e Bashkisë Durrës!!!
Durrësi çon plot 63% të buxhetit total për mbetjet!
Bashkia Durrës përbën një rast unik se si mbi gjysmën e të ardhurave që ajo mbledh vetë e shpenzon vetëm për një zë, për mbrojtjen e mjedisit (kryesisht pastrimi mbeturinave).
Vendimi për ta detyruar qytetin e Durrësit, që të depozitonte plehrat në Sharrë është shoqëruar me dyshime të mëdha për korrupsion që në momentet e para, pasi ky ishte një vendim që rriti biznesin e bandës së inceneratorëve, i hapi rrugën aferës së Porto Romanos dhe u vodhi qytetarëve të Durrësit 4.5 milionë euro çdo vit.
Kujtesë për këdo që harron: Pronar faktik i inceneratorit Tiranë dhe këtij biznesi të pashembullt hajdutërie është Erion Veliaj!
