Është bërë publike video ku efektivi i policisë Erjon Goxhara, ka filmuar Lorenc Kostën, pasi ka plagosur me 6 plumba.
Dyshohet se inxhinieri i ERE-s, kishte krijuar një lidhje jashtëmartesore me bashkëshorten e efektivit dhe Goxhara pasi e ka qëlluar Kostën e akuzon se po i mban peng prej katër vitesh bashkëshorten dhe po “i ha lekët”.
“Kështu e pësojnë të gjithë ata që u hyjnë njerëzve në hak, që u hynë në familje. Ti të më mbash mua peng nusen për katër vjet, t’i hash lekët? Nuk e ha dot ti djersën e familjes time o k*rvë, nuk hyn dot ti në familjen time”, dëgjohet të thotë Goxhara.
Sipas BW, pasi filmoi videon, Goxhara ia ka dërguar pmajet kunatit të tij, vëllait të bashkëshortes, Marsel Seferi, efektiv i Forcave Operacionale të Policisë së Shtetit.
Kujtojmë që Goxhara, qëndroi dy ditë në arrati dhe u vetëdorëzua në 21 gusht në Drejtorinë e Policisë së Tiranës.
“Nuk kam patur për qëllim ta vras”, është shprehur polici Erion Goxhara pas dorëzimit.
