ISIS ka marrë përsipër sulmin me thikë të ndodhur në një festival në qytetin perëndimor gjerman të Solingenit të premten, 23 gusht, pas orës 21:00. Në një deklaratë në Telegram shkruhet se ishte hakmarrje për myslimanët e vrarë në Gaza.
Një 15 vjeçar është arrestuar deri tani pasi akuzohet se kishte dijeni në lidhje me sulmin por nuk ka raportuar policinë. Policia thotë se ende nuk dihet se kush është autori dhe se hetimet po vijojnë.
Tre persona, mes tyre – 2 burra të moshës 67 dhe 56 vjeç dhe një grua po 56 vjeç humbën jetën, ndërsa 8 janë plagosur, mes tyre 4 janë në gjëndje të rëndë për jetën, tha policia.
Markus Caspers, prokuror nga zyra e prokurorisë publike në Dyseldorf, tha të shtunën pasdite në një konferencë se “terrorizmi” nuk mund të përjashtohet nga ky rast, sepse nuk ka motive të tjera dhe sepse viktimat nuk kishin lidhje mes vete. Media gjermane Bild thotë se një burrë goditi rastësisht kalimtarët.
Ndërkohë një operacion i madh po zhvillohet për arrestimin e autorit
Policia zbuloi 200 metra larg vendit të sulmi disa thika dhe do të verifikohet nëse njëra prej tyre është përdorur në sulm.
Qyteti industrial po festonte 650 vjetorin e themelimit. Policia gjermane konfirmoi sulmin, duke hipotezuar se nuk ishte një sulm i një personi me probleme mendore, por një sulm me gjasë terrorist.
