Është zbardhur identiteti i personi që përplasi për vdekje avokatin Leonard Dingo tre ditë më parë në zonën e Shkëmbit të Kavajës në Durrës.
Burime për mediat bëjnë me dije se bëhet fjalë për shtetasin Erjon Kacani, 22 vjeç, banues në Tiranë dhe emigrant në Greqi.
Pas aksidentit, ai e ka braktisur automjeti me të cilin shkaktoi aksidentin në fshatin Kodër Arapaj dhe është arratisur në drejtim të paditur. Automjeti është sekuestruar nga uniformat blu.
Policia po punon për kapjen e tij, por ende nuk ka asnjë gjurmë nga 22-vjeçari. Gjithashtu, po hetohet edhe nëse ka ndonjë lidhje mes autorit që shkaktoi aksidentin dhe viktimës.
Ngjarja ndodhi rreth orës 01:00 të 21 Gushtit në aksin dytësor “Plepa-Kavajë”, ku u përplas me automjet avokati Leonard Dingo, 63 vjeç, i cili si pasojë humbi jetën, në vendin e ngjarjes.
Burime bëjnë me dije se avokati Dingo qëndronte në një banesë të marrë me qira në zonën ku ndodhi aksidenti, teksa në momentin e aksidentit ka qenë duke ecur në këmbë.
Avokatët Penalistë, ka ngritur dyshime se mund të kemi të bëjmë me një vrasje të kolegut të tyre Leonrd Dingo.
“Ka më shumë se 48 orë që në zonën e Golemit, Durrës ka ndodhur një aksident me tipare të një krimi, që ende nuk është zbardhur. Avokati i mirënjohur Leonard Dingo ka ndërruar jetë si rrezultat i një aksidenti që ka ndodhur pranë shtëpisë së tij në një rrugë dytësore rreth orës 12:00 të datës 20 Gusht. Duke ditur çështjet sensitive që mbronte avokat Dingo dyshimet e arsyeshme të drejtojnë përtej një aksidenti të zakonshëm. Sipas burimeve konfidenciale deri tani është gjetur makina që ka bërë aksidentin e braktisur në zonën e Shëna Vlashit, është identifikuar targa dhe rrjedhimisht edhe pronar i makinës, por ajo që do t’i jepte rrugë zbardhjes së aksidentit ende është enigmë. Është kryer një krim dhe asnjë i dyshuar apo i ndaluar!”, thuhet në reagimin e avokatëve.
