Një tragjedi është shmangur në lumin Buna në Shkodër, pasi një person ka tentuar të hidhet nga ura, por është parandaluar nga Policia.
Sipas njoftimit të autoriteteve, efektivët e Rrugores së Shkodrës, gjatë patrullimit në zonë, kanë konstatuar një person te Ura e Bunës që kryente lëvizje të dyshimta dhe tentonte të hidhej nga ura për t’u vetëmbytur.
Patrulla e Qarkullimit Rrugorë ka njoftuar forcat ”Shqiponja”, të cilët kanë shkuan në vendin e ngjarjes dhe e kanë parandaluar tragjedinë. Personi i cili ka tentuar të hidhej nga ura ka qenë shtetasi me iniciale V.N. 49 vjeç.
Pas ngjarjes ai është shoqëruar në spitalin psikiatrik, për të marrë asistencën e nevojshme mjekësore, pasi sipas Policisë, nga verifikimet ka rezultuar se vuante nga shëndeti mendor.
