Detaje të reja kanë dalë lidhur me atentatin e ndodhur pasditen e kësaj të hëne në zonën e “Komunës së Parisit” në Tiranë, ku mbeti i plagosur një person.
Dëshmitarët të cilët ndodheshin në atë zonë kanë bërë me dije se kanë dëgjuar 7 të shtëna. Mësohet se autori e ka qëlluar qytetarin në këmbë dhe më pas është larguar me shpejtësi me automjetin e tij.
Sakaq bëhet me dije se në momentin që ambulanca ka marrë të plagosurin, identiteti i të cilit ende nuk dihet, ai ka qenë i vetëdijshëm.
Sakaq, përveç forcave të shumta të policisë, në vendin e ngjarjes ka “zbarkuar” edhe drejtori i Policisë së Tiranës, Tonin Vocaj si dhe zv.drejtori, Alket Shatro.
Pamje nga vendi i ngjarjes:
