Janë publikuar fotot e autorit Festim Ramadani dhe viktimës, Sadri Sadriu të krimit të rëndë të regjistruar mbrëmjen e kaluar në Kosovë
Ngjarja ndodhi në oborrin e një restoranti, gjatë një dasme në fshatin Bibaj në Ferizaj, ku polici qëlloi për vdekje me armë bashkëshortin e tezes së tij. Mësohet se viktima po martonte nipin.
Njëkohësisht mësohet se viktima Sadri Sadriu nga Lugina e Preshevës është xhaxhai i Prindon Sadriut, burrit të presidentes së Kosovës, Vjosa Osmani.
Ende mbetet mister arsyeja e vrasjes së Sadri Sadriut jashtë resrtorantit ku po zhvillohej dasma.
Efektivi raportohet se ishte jashtë orarit zyrtar në momentin kur e kreu krimin dhe pas vrasjes është vetëdorëzuar në polici.
Gjithashtu është arrestuar edhe një person tjetër, të cilit iu është caktuar edhe masa e ndalimit policor prej 48 orësh.
Personi i ndaluar ngarkohet me veprën, bashkëkryerje në veprën penale vrasje e rëndë sipas Kodit Penal të Republikës së Kosovës.
