Policia e Maliqit ka arrestuar një person, i cili akuzohet se ka ndozur zjarr për të djegur mbetjet bimore dhe nga përhapja e flakëve është rrezikuar një subjekt në aksin rrugor “Sheqeras-Maliq” dhe u dogj një sipërfaqe toke.
Në pranga është vënë shtetasi Xh. H., 64 vjeç, banues në fshatin Orman, të njësisë admiknistrative Pojan. Ngjarja ka ndodhur rreth orës 17:30 të pasdites së djeshme, teksa shuarja e flakëve është bërë e mundur nga shërbimet zjarrfikëse.
“Ky shtetas ka ndezur zjarr në afërsi të aksit rrugor, për të djegur mbetje bimore, dhe si pasojë e përhapjes së flakëve është rrezikuar një subjekt (firmë frigoriferike) në aksin rrugor “Sheqeras-Maliq” dhe është djegur një sipërfaqe toke.” – thuhet në njoftimin e Policisë.
Materialet procedurale i kaluan Prokurorisë së Korçës, për veprime të mëtejshme, për veprën penale “Shkatërrimi i pronës me zjarr”.
