Redon Xhixha është bërë përsëri protagonist me gol me fanellën e skuadrës së Qarabak, këtë herë në arenën më të rëndësishme të futbollit europian, Champions League.
Sulmuesi shqiptar ka gjetur rrugën e rrjetës në kohët shtesë të ndeshjes së skuadrës së tij në turin e tretë të kualifikuesve në transfertë ndaj Ludogorets.
Ndeshja kishte shkuar me shtesa pasi fitores 2-1 të bullgarëve në ndeshjen e parë, ndërsa azerët u përgjigjën sot 2-3 në transfertë. Në shtesë, Qarabag shënoi edhe golin e katërt, teksa vendasit u hodhën të gjithë në sulm për të rivendoisur baraspeshën.
Në fillimin e shtesës së dytë, trajneri Gurbanov aktivizoi Xhixhën dhe sulmuesi nuk zhgenjeu, teksa në minutën e 111 të ndeshjes shënoi golin për rezultatin 5-2 që bëri formalitet kualifikimin për ekipin e tij.
Redon Xhixha GOAL vs Ludogorets#Ludogorets #ChampionsLeague #Qarabağ
— Score Point (@ScoresPoint) August 13, 2024
Në 9 minutat në vijim Qarabag shënoi edhe 2 herë të tjera duke fituar ndeshjen 2-7 , që siguroi kësisoj pjesëmarrjen në play-off të Champions.
