Marash Kumbulla është i destinuar për t’u larguar nga Roma. Mbrojtësi i Kombëtares ka ofertë nga Empoli, me Gianluca Di Marzion që bën me dije se toskanët kanë nisur tanimë nga kontaktet me drejtuesit e Romës.
Kumbulla do mbetej në Serie A dhe do kishte më shumë hapësira, teksa detajet e kalimit ende nuk dihen, nëse oferta është për një huazim apo blerje. Te Empoli, Kumbulla do formonte dyshen e qëndrës së prapavijës me Ardian Ismajlin, mbrojtësin tjetër të Kombëtares.
Kumbulla u rikthye te Roma pas gjashtë muajve të fundit si huazim te Sassuolo dhe është jashtë projektit teknik të De Rossit. Marrja e informacionit dhe interesi ka filluar, ndërsa merkato në Serie A mbyllet në fund të këtij muaji.
