Shumë pak e prisnin një ndarje mes Álvaro Morata dhe Alice Campello.
Ditën e djeshme sulmuesi nga Madridi, i cili fitoi Europianin në Gjermani si kapiten i Spanjës, njoftoi në rrjetet sociale se i ka dhënë fund martesës 8-vjeçare me modelen italiane Alice Compello me të cilën ka 4 fëmijë, postim që më pas u fshi nga futbollisti.
Ndërkohë në lidhje me situatën ka reaguar vetë gruaja e Moratës, Alice Campello.
Modelja, kur u pyet për mundësinë e një ndarjeje me lojtarin e Milanit dha një deklaratë që shton paqartësitë për situatën mes çiftit. “Nuk mendoj se do të ndodhë ndonjëherë, sepse kemi ndërruar vende bashkë kaq shumë herë… Duke qenë kaq të vegjël dhe duke u rritur bashkë, nuk e shoh atë pa mua. Edhe një sekondë dhe unë pa të është një gjë unike”.
“Mund të kalojmë tre orë pa folur me njëri-tjetrin, por pastaj kemi nevojë për njëri-tjetrin. Nuk është në dashuri, është dashuri. Ai e di që unë nuk do ta lëndoja kurrë dhe unë e di që ai nuk do të më lëndonte kurrë.”
E prekur dukshëm, ajo ka rrëfyer se nëse do të ishte në dorën e saj, lidhja e saj me Moratën nuk do të përfundonte kurrë. “Ka kaq shumë dashuri dhe respekt. Është diçka që ia kemi premtuar njëri-tjetrit që në fillim. Për shkak të gjithçkaje që kemi përjetuar së bashku, nuk mund t’ia bëja kurrë një gjë të tillë,”– tha ajo.
