Gjykata e Apelit ka lënë në fuqi masën e “arrestit me burg” ndaj 35-vjeçarit Erdion Muho, i cili kishte kërkuar zbutjen e masës së sigurisë.
Muho u arrestua më 28 Korrik, pas zbardhjes së vdekjes tragjike të biznesmenit Armand Nelaj, teksa mbi të rëndon akuza për kryerjen e veprës penale “Shkatërrim i pronës me eksploziv”, e kryer në bashkëpunim dhe mbetur në tentativë.
Sipas hetimeve të organit të akuzës, Armando Nelaj së bashku me mikun e tij Erdion Muho, mbrëmje e 24 Qershorit në Portin e Sarandës kanë tentuar t‘i venë një sasi lënde plasëse një anijeje të ankoruar në portin e qytetit, për motive konkurence.
Duket se gjatë transportimit të lëndës plasëse, ajo ka shpërthyer aksidentalisht duke i marrë jetën 52-vjeçarit Nelaj.
Ata do t’ia vendosnin sasinë e eksplozivit anijes së linjës detare Sarandë-Korfuz, “Finikas Lines”, e cila është në pronësi të Andrea Qirjakos.
Erdion Muho është pronar i një agjensie turistike në qytetin e Sarandës që po ashtu operon edhe në fushën e transportit ndërkombëtar detar të udhëtarëve të linjës Sarandë- Korfuz
