Kryeministri Edi Rama ka pritur në një vizitë Presidentin e Këshillit Europian, Donald Tusk. Vizita në fjalë vjen fill pas rekomandimit pozitiv të Komisionit Europian për hapjen e negociatave me Shqipërinë.
Vizita e Tusk në Tiranë është në kuadrin e një turi tre ditor që Presidenti i Këshillit Europian do të zhvillojë në vendet e Ballkanit Perëndimor.
Qëllimi i vizitës është përgatitjet e samitit BE-Ballkan që do të mbahet në Sofje më 17 maj. Kujtojmë se Këshilli i Europës, do të vendosë në qershor lidhur me rekomandimin e Shqipërisë për hapjen e negociatave me BE-në.
