Besart Ibraimi u largua nga Struga, për t’u rikthyer te Shkëndija.
Ibraimi kthehet pas tre viteve, pasi në periudhën 2015-2021, për 6 vite ishte ndër lojtarët kryesor në periudhën më të suksesshme të klubit, ndërsa zyrtarisht është golashënuesi më i mirë në historinë e Shkëndijës, por edhe në gjithë historinë e elitës së futbollit në Maqedoninë e Veriut.
“Jam shumë i lumtur që po i ribashkohem Shkëndijës dhe pres me padurim të kontribuoj për këtë klub të madh,” ka thënë ai gjatë nënshkrimit të kontratës.
Besart Ibraimi është aktivizuar në 219 ndeshje me Shkëndijën duke realizuar 144 gola.
