Parlamenti Europian ka publikuar vlerësimet e tij në lidhje me raportin e vitit të shkuar për Shqipërinë, ku ka theksuar se reforma në drejtësi është kushti themelor për të hapur negociatat e anëtarësimit në BE.
PE i bën thirrje Komisionit të BE që të monitorojë me kujdes progresin e bërë në këtë reformë nga Shqipëria. Gjithashtu në këtë raport theksohet se një rol të rëndësishëm në hapjen e negociatave do të luajë progresi i cili do të regjistrohet në 5 prioritetet kyçe.
Komisionit i kërkohet të krijojë një strukturë monitorimi për të parë në paraktikë ecurinë në realizimin e reformave dhe në mënyrë të vecantë kërkohet që theksi të vendoset tek ndëshkueshmëria dhe dekriminalizimi. Në rast vonese të konsensusit kjo vendimarrje do të realizohet pas zgjedhjeve parlamentare.
Qeveria dhe Opozita të bashkëpunojnë në Parlament, jo bojkot-I bën thirrje të gjitha partive politike për të bërë përpjekje të mëtejshme për t’u angazhuar në një dialog politik më konstruktiv dhe të vërtetë që do të lejojë miratimin dhe zbatimin e reformave kyçe; fuqimisht beson se bashkëpunimi i qëndrueshëm në mes të qeverisë dhe opozitës në parlament është thelbësor për procesin e anëtarësimit të Shqipërisë në BE si dhe për plotësimin e kritereve të pranimit; fuqimisht thekson rëndësinë e mbajtjes së angazhimit të tyre për ndërtimin e një kulture politike demokratike që përfshin hapjen ndaj dialogut, negociatave dhe kompromisit dhe përjashtimin e plotë të bojkotit dhe radikalizmit; mirëpret themelimin dhe punën e Këshillit Kombëtar për Integrim Evropian.
Të zbatohet ligji i dekriminalizimit-PE përgëzon qeverinë dhe opozitën për bashkëpunimin e tyre konstruktiv në miratimin unanim në parlamentin të ligjit të dekriminalizimit; përshëndet miratimin e akteve nënligjore në parlament dhe bën thirrje për zbatimin e shpejtë dhe të plotë të këtij legjislacioni në frymë dhe në letër; inkurajon parlamentin për të udhëhequr me shembull në zbatimin e ligjeve për të rritur besimin e qytetarëve dhe komunitetit të biznesit.
Palët të bashkëpunojnë për Reformën në Drejtësi-Përshëndet angazhimi i Shqipërisë për një reformë të plotë të sistemit të drejtësisë dhe inkurajon fuqimisht autoritetet shqiptare të vazhdojë përgatitjet për këtë reformë të rëndësishme për të nxitur besimin e qytetarëve dhe komunitetit të biznesit në sistemin e drejtësisë; lavdëron punën e Komisionit Ad Hoc për reformën gjyqësore në përgatitjen e reformës; vlerëson bashkëpunimin e ngushtë me Komisionin e Venecias; inkurajon më tej një qëndrim bashkëpunues në rrugën për miratimin e kësaj reforme; bën thirrje të gjitha palëve ,, duke marrë parasysh rekomandimet e Komisionit të Venecias, për të punuar drejt një kompromisi për ndryshime thelbësore të gjyqësorit, të cilat kanë të bëjnë ndër të tjera për pavarësinë e plotë dhe përgjegjshmërinë e gjyqtarëve dhe prokurorëve dhe paanshmërinë e gjykatave, sidomos Gjykata e Lartë dhe Gjykata Kushtetuese dhe Këshilli i Lartë i Drejtësisë.
