Partizani ka njoftuar largimin e trajnerit Orges Shehi nga skuadra.
Pas një takimi me presidentin Demi, u vendos për ndërperjen e bashkëpunimit mes palëve.
Ky vendim vjen si pasojë e rezultateve negative të skuadrës në muajt e fundit dhe goditja përfundimtare ka qenë dështimi i skuadrës në kualifikueset europiane.
Skuadra do të vijojë përgatitjet në drejtimin e Drejtorit Sportiv, Arbër Abilaliaj dhe stafit teknik.
“Partizani njofton mbylljen e marrëveshjes me trajnerin Orges Shehi. Drejtuesit dhe Shehi kanë zhvilluar një takim, në përfundim të të cilit palët kanë vendosur të ndërpresin bashkëpunimin mes tyre. Partizani dëshiron të falënderoj Orges Shehin për kontributin e dhënë gjatë kësaj periudhe në drejtimin e ekipit , duke i uruar njëkohësisht shumë suksese në të ardhmen. Skuadra do vijoj përgatitjet në drejtimin e Drejtorit Sportiv Arbër Abilaliaj dhe stafit teknik”, njofton klubi.
Partizani kaloi raundin e parë në Conference League kundër Marsaxlokk (Maltë), por dështoi në të dytin përballë gjeorgjianëve të Iberia 1999.
Shehi gjatë sezonit të kaluar u shpall nënkampion me “Demat”, teksa u mund në finalen e “Final 4” nga Egnatia.
46-vjeçari regjistroi në total 27 ndeshje me 17 herë kampionët e Shqipërisë.
View this post on Instagram
