Ish kreu i ISHP-së, Besnik Jakaj ka folur për rikthimin e virusit “Ethet e Nilit” dhe shprehet se do një vëmendje të shtuar nga strukturat shëndetësore por edhe nga qytetarët kur shikojnë shenja për t’u paraqitur tek mjeku i familjes.
Mjeku tregon se shenjat e lehta janë dhimbje muskujsh, dhimbje koke, temperaturë e lehtë, çrregullime gastrointestinale dhe ka raste që shoqërohet me puçra të vogla në lëkurë.
“Nuk ka një situatë paniku. Është një virus i njohur ndër vite, riciklohet herë pas here. Sipas të dhënave, në Shqipëri nuk ka pasur prej 10-15 vitesh situatë të rëndë me “Ethet e Nilit”. Kjo vjen nga pickimi i mushkonjës, nuk transmetohet nga njeriu tek njeriu.
Do një vëmendje të shtuar nga strukturat shëndetësore por edhe nga qytetarët kur shikojnë shenja për t’u paraqitur tek mjeku i familjes.
Shenjat e lehta janë dhimbje muskujsh, dhimbje koke, temperaturë e lehtë, çrregullime gastrointestinale dhe ka raste që shoqërohet me puçra të vogla në lëkurë. Subjektet më të riskuara janë të sëmurët kronikë dhe moshat e mëdhaja që kanë ulje të imunitetit organik”, tha mjeku.
