Një tjetër zjarr i përmasave të mëdha është aktivizuar në vend.
Flakët kanë përfshirë një pjesë të malit të Saraqindit, duke përfshirë zonën e Shalës-Dishat- Markat, të bashkisë së Konispolit.
Në vendngjarje ndodhen shërbimet zjarrfikëse të Konispolit, Sarandës dhe Finiqit.
Për shkak të terrenit të vështirë për të shuar zjarrin është vepruar me mjete rrethanore dhe me pompa shpine me ujë.
Krahas punonjësve zjarrfikës, në ndihmë kanë shkuar edhe banorë të bashkisë Konispol.
Ende po luftohet për të vënë në kontroll zjarrin në këtë zonë ku u rrezikuan ullishtet dhe banesat.
Dyshohet që zjarri të ketë qënë i qëllimshëm.
