Një ngjarje e rëndë ka ndodhur në Kosovë, teksa një foshnjë vetëm 7 muajshe ka ndërruar jetë.
Sipas mediave vendase, ngjarja ka ndodhur në Fushë-Kosovë, ku nëna pasi është zgjuar nga gjumi ka vërejtur se vajza e saj 7 muajshe është e vdekur. Ajo ka bërë menjëherë denoncimin në polici, teksa ende nuk dihet shkaku i vdekjes së foshnjës.
Policia ka nisur hetimet për ngjarjen, derisa trupi është dërguar në Institutin e Mjekësisë Ligjore për të kryer autopsinë që do zbulojë dhe shkakun e vdekjes. .
“HETIM MBI VDEKJEN – Fushë Kosovë 26.07.2024 – 08:00. Një femër kosovare ka njoftuar se pasi është zgjuar nga gjumi ka vërejtur se vajza e saj 7 muajsh ishte pa shenja jete. Me urdhër të prokurorit trupi i pajetë është dërguar në IML për obduksion. Rasti në hetime”, thuhet në raport.
