Regjisori Edmond Budina, gjatë fjalës së tij në protestën e mbrëmjes së sotme, tha se Teatri do ndërtohet ku ishte dhe siç ishte falë Partisë Demokratike.
Ndërsa më tej ai theksoi se Bashkia Tiranë theu vendimin e Gjykatës Kushtetuese.
“Pushteti fashist i Edi Ramës e shembi Teatrin e megjithatë moralisht ne jemi të fituar dhe Teatri do ndërtohet aty ku ishte, ashtu siç ishte, falë PD.
Tani, të dashur miq kjo çështjë është një çështje edhe juridike dhe ne kemi fituar në Gjykatën Kushtetuese e cila that ë kthehet prona e Teatrit Kombëtar siç ishte para shembjes.
Dhe ç’bëri pushteti?
Jo vetëm që nuk e ktheu pronë ashtu siç ishte, po bëri një gabim të dytë, ktheu vetëm truallin, dhe kjo është një shkelje e rëndë, një vendim i Gjykatës Kushtetuese dhe këtu unë kërkoj në emër të Aleancës për Mbrojtjen e Teatrit që deputetët e PD, të kërkojnë një interpelancë me kryeministrin e vendit për moszbatimin e vednimit të GJK, në të kundërtën le të japin dorëheqjen“, tha ai.
