Kapitenia e kombëtares japoneze të gjimnastikës për Olimpiadë “Paris 2024” është përjashtuar nga Federata Japoneze pasi është parë duke tymosur cigare dhe duke pirë alkool.
Pezullimi ka efekt të menjëhershëm për 19-vjeçaren Shoko Miyata, e cila ka tymosur në një ambient privat në Tokio, si edhe ka konsumuar alkool në qendrën ku ishte grumbulluar skuadra japoneze.
Në Japoni është i ndaluar duhani dhe alkooli para moshës 20-vjeçare dhe vetë gjimnastja ka pranuar se e ka shkelur ligjin.
Kështu, Shoko Miyata, e cila ka fituar medaljen e bronztë në Botërorin e vitit 2022, nuk do të konkurrojë në Lojërat Olimpike.
