Kryedemokrati Sali Berisha ka ngritur alarmin për importin e helmeve bujqësore në Shqipëri, që sipas tij janë ndër më të rrezikshmet.
Duke folur para qytetarëve, në tubimin e asaj që njihet si rruga e Shpresës, Berisha tha se siguria ushqimore është tashmë në duart e mafies.
Berisha thekson së Shqipëri kontrolli mbi përdorimin e pesticideve është inekzistent dhe prodhimet masivisht kthehen nga tregjet për përmbajtje të lartë të helmeve.
“Qytetari shqiptar është sot qytetari më i pasigurt.
Siguria ushqimore në Shqipëri është në duart e mafies së pashpirt.
Në Shqipëri, importohet të dashur qytetarë dhe qytetare, helmet bujqësore më të rrezikshme të nxjerra prej vitesh apo dekadash jashtë përdorimit.
Në Shqipëri kontrolli mbi përdorimin e pesticideve është inekzistent.
Prodhimet masivisht kthehen nga tregjet për përmbajtje të lartë të helmeve.
Këto ditë doli se akulloret, ndonëse BE dhe enti respektiv kanë dhënë alarmin, AKU-ja e korruptuar e Edi Ramës i lejoi ato të shiten në Shqipëri, në një kohë kur është tashmë e njohur se konsumator kryesor janë fëmijët e këtij vendi.
A nuk është ky një krim i shëmtuar tjetër?
A nuk është kjo një dëshmi e tmerrshme e pasigurisë që ekziston në këtë vend?”-deklaron Berisha.
