Shefja e spitalit të Onkologjisë në QSUT, Silvana Çeliku ka shokuar opinionin publik me deklaratat e saj gjatë raportimit në Komisionin e Shëndetësisë, pas skandalit që përfshiu spitalin që ajo drejton ku mjekët kishin krijuar një skemë korruptive, ku pacientët me sëmundje tumoriale i çonin drejt klinikave të tyre private për t’i operuar, madje shpesh herë dhe pa qenë e nevojshme.
Teksa fliste për trajtimin me KEMP të pacientëve me sëmundje tumorale, Silvana Çeliku u shpreh se të jesh me kancer nuk do të thotë që nuk je e aftë për punë, teksa pranoi se ka mungesë të medikamenteve.
Gjithashtu, shefja e Onkologjikut tha se spitali që ajo drejton është i vetmi në botë që nuk ka radhë, pasi sipas saj, për pacientët me kancer 2-3 javë nuk mund të quhen pritje.
Silvana Çeliku: Unë do të them që jemi vendi i vetëm në botë që nuk kemi radhë pritjeje. Dy javë, tre javë nuk quhen radhë pritjeje. A ka mungesa? Ka pasur dhe do të ketë, nuk kemi pse ta fshehim. Problemi i KEMP-it, unë kam opsionin tim pastaj të kësaj gjëje. Të sëmuresh me kancer nuk do të thotë që je e paftë në punë. Në je duke vdekur, ndryshon.
