Video të rreme nga profile fallco dhe lajme të manipuluara. Kështu i ka konsideruara kryeministri Edi Rama pamjet e filmuara në terren ku tregojnë plazhet e boshatisura këtë verë për shkak të çmimeve të shtrenjta.
Gjatë takimit me kryebashkiakët, Rama foli për shifra që sipas tij, tregojnë rritje të turizmi më lart se të gjitha vende e rajonit si Serbia, Mali i Zi, Turqia apo Greqia.
Nga vetë raportimet e revistës Monitor, tregojnë se për këtë vit ka një rënie të konsiderueshme të shqiptarëve të Kosovës për të ardhur për turizëm në vendin tonë, por edhe këtë Rama e konsideroi si pjesë të sulmit kundër turizmit në Shqipëri, pasi sipas tij, ata janë rritur me 25% nga viti i kaluar.
Edi Rama: Duke qenë se këtu janë të pranishëm jo vetëm një pjesë e bashkive kryesore sa i përket turizmit të vijës bregdetare por edhe të tjerët ku siç tregon harta e sivjetme e turizmit tendenca e flukseve turistike përtej detit dhe për të eksploruar zona e pika që deri dje nuk imagjinoheshin të kishin turistë, sot ka një sulm të organizuar për të dëmtuar turizmin shqiptar.
Kam folur me kryetarët e bashkive bregdetare të gjithë janë të habitur dhe skandalizuar nga shumë video, lajme, komente të rreme, të manipuluara të bëra me qëllim që duan të thonë që këtu nuk ka ardhur njeri. Natyrisht që faktet janë në terren dhe nuk është ky preokupimi kryesor që të merremi me ata që janë pjesë e këtij sulmi të organizuar që vjen nga disa anë. Sistemet tona të sigurisë kibernetike kanë ndezur dritën e kuqe për këtë. Shumë profile fallco që përdoren për këtë sulm.
Por kjo është njëra anë e medaljes që vlen për të kuptuar se ajo që vjet ishte një çelje e lules së turizmit shqiptar në sytë e botës, erdhi edhe me sfida të reja, që janë gjithmonë e më komplekse që kanë të bëjnë me gjithë elementët. Dhe sivjet Komision Europian i Udhëtimeve nxori një klasifikim ku Shqipëria është në vend të parë me 86% rritje të fluksit të turistëve, pastaj vjen Serbia me 48%, Mali i Zi me 31%, Greqia me 22%, Turqia me 20%, ndërsa shumë nga vendet perëndimore janë me rënie.
Pjesë e këtij sulmi është një përpjekje shumë e ulët për të thënë që shqiptarët e Kosovës e kanë braktisur Shqipërinë. Nga janari në qershor janë 1.7 mln hyrje të qytetarëve të Kosovës, ose 25% më shumë se vjet. Vjet u surprizuam pozitivisht nga italianët, italianet deri në qershor kanë qenë 486 mijë ose 57%. Ka një rritje të turistëve turq 60%, polakët 74%, sepse kanë qenë ndër më të parët që kanë ardhur. Aeroporti i Tiranës është në pamundësi për të dhënë lejë për ulje të avionëve chareter, sepse nuk ka vend në 24 orë. Për tu ulur me charter në Tiranë duhet të prenotosh 3 ditë më parë. Gjë që natyrisht do të adresohet pasi ka nisur punë për zgjerimin e punës. Këto është e nevojshme të merren një konsideratë.
