UEFA ka bërë tashmë përzgjedhjen e golit më të mirë të Kampionatit Evropian “Gjermani 2024”.
Shumë emocione, ndeshje të mira dhe spektakolare na përcollën përgjatë një muaji të Kampionatit Evropian, ndaj edhe përzgjedhja e golit më të mirë me gjasë ka qenë një vendim shumë i vështirë për organet e UEFA-s.
Sot UEFA ka publikuar 10 golat më të mirë të Euro 2024, ku goli më i mirë u zgjodh ai i Lamine Yamal në gjysmëfinale ndaj Francës.
16-vjeçari shënoi një gol mjaft të bukur nga jashtë zonës për të barazuar rezultatin e ndeshjes.
| : Lamine Yamal’s strike vs France has been named EURO 2024 Goal of the Tournament! pic.twitter.com/d3HdbMR1qC
— CentreGoals. (@centregoals) July 16, 2024
Pas Yamal, goli i dytë më i mirë është zgjedhur ai i Jude Bellingham ndaj Sllovakisë në raundin e 1/16 së finales.
Ylli i Real Madridit në mënyrë akrobatike shënoi një gol të jashtëzakonshëm për ta çuar ndeshjen në vazhdime, aty ku eventualisht në fund fituan ‘Tre Luanët’.
Dhe top treshen e kompleton super goli që ka realizuar ylli shqiptar Xherdan Shaqiri i cili në xhiron e dytë të fazës së grupeve realizoi një euro gol ndaj Skocisë.
10 golat më të bukur të Euro 2024
1.Lamine Yamal, Spanjë 2-1 Francë
2.Jude Bellingham, Angli 2-1 Sllovaki
3.Xherdan Shaqiri, Skoci 1-1 Zvicër
4.Nicolae Stanciu, Rumani 3-0 Ukrainë
5.Arda Guler, Turqi 3-1 Gjeorgji
6.Mert Muldur, Turqi 3-1 Gjeorgji
7.Fabian Ruiz, Spanjë 3-0 Kroaci
8.Ollie Watkins, Holandë 1-2 Angli
9.Mattia Zaccagni, Kroaci 1-1 Itali
10.Xavi Simons, Holandë 1-2 Angli
