Janë zbardhur detaje të reja nga dhunimi barbar i 42-vjeçarit nga Bilishti, Rigels Kaso, i cili mëngjesin e djeshëm u gjet me plagë në kokë dhe trup në rrugën “Sokrat Miho” në Tiranë, pas goditjeve me sende të forta. Për këtë ngjarje, Policia shpalli sot në kërkim si autor 34-vjeçarin Bajram Gjeleshi, lindur në Peshkopi dhe banues në kryeqytet.
Burime bëjnë me dije se shkaku i ngjarjes dyshohet se kanë qenë mesazhet që Rigels Kaso kishte shkëmbyer në rrjetet sociale me partneren e Bajram Gjeleshit.
Ky i fundit i kishte lexuar bisedat dhe më pas i ka folur Rigels Kasos, nga adresa e partneres së tij, në emër të partneres, ku e ka ftuar për takim pranë pallatit ku jetonte në rrugën në rrugën “Sokrat Miho”.
Rigels Kaso ka shkuar me idenë se do takonte vajzën me të cilën po fliste në rrjetet sociale, por aty është përballur me partnerin e saj, Bajram Gjeleshi, i cili e ka goditur me sende të forta në kokë dhe trup. Ngjarja ndodhi pak pas mesnatës më datën 15 korrik dhe ai u gjet nga kalimtarët në mëngjes të cilët njoftuan ambulancën.
42-vjeçari Rigels Kaso ndodhet në spitalin e Traumës në gjendje të rëndë shëndetësore. Ai është futur në intubim dhe e ka patur të mandur të japë dëshminë e tij për ngjarjen në fjalë.
