Dy shqiptarë janë vënë në pranga në lindje të Selanikut në Greqi mesditën e djeshme.
Mësohet se dy 34-vjeçarët nga Shqipëria, një burrë e një grua, kishin vjedhur mall me vlerë 12 mijë euro nga një qendër tregtare.
Mediat greke shkruajnë se në automjetin e autorëve janë gjetur dhe sekuestruar parfume, rroba, produkte kozmetike si dhe mallra sportive.
Gjithashtu autorëve u është gjetur dhe sekuestruar edhe shuma e parave prej 2205 eurosh si dhe automjeti i cili shërbente për transportimin e mallit të vjedhur.
