Një pushues nga Tirana është plagosur këtë të shtunë në këmbë nga helika e një gomone në zonën e Karaburunit.
Autoritetet policore raportojnë se i plagosur ka mbetur shtetasi A. K., 56 vjeç, banues në kryeqytet. Mësohet se i plagosuri ndodhej në det në momentin kur ka ndodhur aksidentit, pasi kishte nga një anije turistike, teksa Policia thekson se në vendin ku ka ndodhur ngjarja nuk kemi të bëjmë me zonë plazhi.
“Sot, në Karaburun, një mjet lundrues tip gomone, me drejtues shtetasin F. T., gjatë ankorimit në molin e vjetër të ish-ushtrisë në gjirin e “Shën Janit”, aksidentalisht me helikën e mjetit lundrues ka dëmtuar në këmbë shtetasin A. K., 56 vjeç, banues në Tiranë, i cili kishte zbritur nga një anije turistike në det afër këtij moli. (Nuk kemi të bëjmë me zonë plazhi).” – thuhet në njoftimin e uniformave blu.
I plagosuri është dërguar në spital për të marrë ndihmë mjekësore, ndërsa mjeti lundrues është bllokuar nga shërbimet e Policisë Kufitare dhe drejtuesi i mjetit është shoqëruar në komisariat për veprime të mëtejshme.
Grupi hetimor i Policisë së Vlorës, nën drejtimin e Prokurorisë, po vijon veprimet për zbardhjen e plotë të rrethanave të rastit.
