Në “Signal Iduna Park”, të Dortmund po luhet gjysmëfinalja e Euro 2024 mes Holandës dhe Anglisë.
Supersfida ka nisur ashtu siç ishte parashikuar me një ritëm të lartë nga të dyja skuadrat me rezultatin që është i barabartë 1-1.
“Tulipanët” e Koeman ishin ata që goditën të parët duke marrë avantazhin në minutën e 7-të. Pasi rrëmbeu një top në hyrje të zonës, Xavi Simons lëshoi një predhë në hyrje të zonës, duke dërguar topin pas shpatullave, të Pickford.
Anglia megjithatë reagoi shumë shepjt duke vendosur baraspeshën me Harry Kane. Një penallti e akorduar pas rishikimit në sistemin VAR, të një ndërhyrjeje të Denzel Dumfries ndaj Harry Kane u ekzekutua më së miri nga ky i fundit, me kapitenin e anglezëve, që tund rrjetën e Verbruggen.
Ndërkohë Holanda pati një rast ideal për të rimarrë sërish avantazhin teksa vetëm traversa i mohon golin mbrojtësin Dumfries. (Video)
Anglia iu përgjigj me të njëjtën monedhë vetëm pak çaste më pas ku ishte Foden që i shkoi shumë pranë golit, por u ndal nga shtylla. (Video)
