I vetmi ndër 5 kampionatet më të mira të Europës që ende nuk i dihet fituesi është “Seria A”. Me shumë mundësi kjo do të ndodhë të dielën kur në “Allianz Stadium” Juventus do të presë Napolin, në një takim që sido që të përfundojë do të përcaktojë shumë për fituesin e këtij sezoni.
Sa i përket fushës së lojës, të gjithë janë të mendimit që kjo është një sfidë pa favoritë, pasi nga njëra anë Napoli i Sarrit është etiketuar si një nga skuadrat që luan futbollin më të bukur në botë dhe nga ana tjetër, bardhezinjtë e Allegrit shquhen për racionalitetin e skajshëm që tregojnë në fushë, pasi fitojnë edhe atëherë kur vuajnë shumë.
Gjithsesi, në letër Juventusi nuk ka rival, pasi po të shikosh paratë e shpenzuara për kompletimin e skuadrës, vetëm Higuain ka kushtuar më shtrenjtë se formacioni i napolitanëve.
Sulmuesi argjentinas u ble pikërisht nga Napoli, për shumën e 90 milionë eurove, ndërsa titullarët e Sarrit kanë kushtuar të gjithë bashkë 82.3 milionë euro.
Ja sa kanë kushtuar futbollistët titullarë të Napolit:
Pepe Reina – 2 milionë euro
Elseid Hysaj – 5 milionë euro
Raul Albiol – 12 milionë euro
Kalidu Koulibaly 7.8 milionë euro
Mario Rui – 10 milionë euro
Allan – 11.5 milionë euro
Jorginho – 9.5 milionë euro
Marek Hamsik – 5.5 milionë euro
Jose Callejon – 9.5 milionë euro
Dries Mertens – 9.5 milionë euro
Lorenzo Insigne – ka dalë nga ekipi I të rinjve
