Një shpërthim me lëndë plasëse është regjistruar në orët e para të mëngjesit të kësaj të mërkure, teksa i është vendosur tritol në derë të shtëpisë një efektivi policie.
Autoritetet policore raportojnë se shpërthimi ka ndodhur në banesës private të oficerit të Policisë, shtetasit V. Zh. Si pasojë e shpërthimit ka patur vetëm dëme materiale.
Ngjarja ka ndodhur rreth orës 03:10, në lagjen “Tepe”. Poloicia ka shkuar në vendin e ngjarjes dhe vijojnë kontrollin në zonë.
Grupi hetimor nën drejtimin e Prokurorisë vijon veprimet për sigurimin e provave me qëllim identifikimin dhe kapjen e autorit/ve.
