UEFA ka marrë një vendim në lidhje me dënimin e mundshëm të Declan Rice pas incidentit që ndodhi pas fitores 2-1 të Anglisë me Sllovakinë.
Mesfushori nuk u përmbajt pasi tekniku 55-vjeçar e shtyu, me lojtarin e Arsenal që ishte gati të përplasej fizikisht nëse nuk do të ishte për Ivan Toney dhe Ezri Konsa që ia dolin ta largonin Rice.
Megjithatë, lojtari nuk e mbajti gojën dhe lëshoi një lum të sharash drejt Calzona duke iu drejtuar ndër të tjera edhe me fjalët; “Mbylle o qeros idiot”.
Trajneri italian iu drejtua gjyqtarëve të ndeshjes rreth kohës së humbur nga lojtarët e Anglisë, para se të shtyjë Ricen kur më pas ylli i Arsenalit u konfrontua me të.
Kishte frikë se Rice mund të përballet me një pezullim pas këtij incidenti, potencialisht duke humbur ndeshjen ndaj Zvicrës në çerekfinale të shtunën.
Fatmirësisht për Rice, UEFA ka vendosur të mos e dënojë atë pas fitores dramatike ndaj Sllovakisë.
