Ministria e Drejtësisë ka nisur zyrtarisht kërkesën për ekstradimin e shtetasit Durim Bami në autoritetet e Emirateve të Bashkuara Arabe.
Kjo kërkesë është dërguar në rrugë shkresore dhe elektronike. Ministria e Drejtësisë ka marrë njoftim nga Ministria e Jashtme se kërkesa dhe dosja për shtetasin Bami janë marrë në dorëzim nga pala arabe.
Durim Bami është shpallur në kërkim nga SPAK, pasi akuzohet për një sërë veprash penale. Emri i tij doli edhe në përgjimet e bisedave të Sky Ecc, ku disa elementë të rëndësishëm të grupeve kriminale, ishin bërë bashkë për eliminimin e Bamit.
45-vjeçari akuzohet për organizimin dhe porositjen e vrasjes së mbetur në tentativë të ish-deputetit socialist Arben Ndoka, pasi ky i fundit organizoi një atentat ndaj tij në nëntor të vitit 2020.
Lajmi i publikuar fillimisht më 10 qershor nga burimet e “Boldnews.al”, më pas gjithçka konfirmohet nga Policia e Shtetit dhe Ministria e Drejtësisë e cila po tenton ekstradimin e tij drejt Shqipërisë.
Lexo edhe:
Arrestohet Durim Bami në Dubai, shoqërohet vëllai dhe shoku i tyre
