Italia i ka dhënë lamtumirën Europianit që në fazën e parë me eliminim direkt, duke dorëzuar kështu trofeun të cilin e fitoi 3 vite më parë.
Nga një gol, në secilën pjesë mjaftoi që Zvicra e Granit Xhakës të siguronin fitoren e madhe, 2-0.
Fillimisht ishte mesfushori i Bologna, Remu Freuler, që gjeti rrugën e rrjetës, në minutë ne 37’-të dhe me fillimin e fraksionit të dytë, të sfidës, Ruben Vargas dyfishoi shifrat me një gol spektakolar, duke i dhënë Italisë, “puthjen e lamtumirës”.
Fitoja me Shqipërinë është e vetmja “notë” pozitive që mund t’i vihet ekipit të Spallettit, shumë pak për një ekip që pretendonte të ruante fronin e kampionit.
Kështu, “Helvetët” e Murat Yakin janë çerekfinalistët e parë, të Euro 2024, që tashmë do të presin fituesin e çiftit Angli-Slloveki, me “Tre Luanët” e Southgate, që pritet të jenë kundërshtari i mundshëm i tyre.
