Kreu i Lëvizjes ‘Shqipëria Bëhet’ tha në një intervistë për Euronews Albania se e përjashton mundësinë për një bashkëpunim politik me grupimin e Lulzim Bashës para zgjedhjeve të përgjithshme.
Sipas tij, forumet e lëvizjes që ai drejton janë ato që vendosin për bashkëpunimet, ku përjashtohen ato me parti që kanë qenë në pushtet.
“Nuk besoj te ekzibizionizmi në politikë, është çështje e lidershpit dhe e demokracisë së brendshme. Nëse hap statutin e PD, që për mua është i mirë, fuqitë kryesore i kanë forumet kolegjiale jo kryetari, nuk i ka ndaluar kush t’i thonë kryetarit e ke gabim, është çështje e karakterit, për shkak të mungesës së garës kanë afruar njerëz që i binden kryetarit, jo duhet të ketë debat.
Nuk është çështja të krijojmë shpikje. E para ftesat nuk i gjykoj unë por forumet e lëvizjes sonë, por di të them se në forumet tona ka dorështrirje vetëm për subjektet që nuk kanë pasur pushtet dhe nuk përfaqësojnë të shkuarën në Shqipëri, për pjesën e politikës së vjetër nuk kam mandat të flas. Duhet të ndahet shapi nga sheqeri në këtë vend”, tha Lapaj.
