Vajza e madhe e mjekut Edmond Gashi është kapur “dhëmbë për dhëmbë” me qytetarët që kanë komentuar “mizorinë humane” të mjekut të Onkologjisë.
Megi Gashi, vajza e madhe e tij mban emrin e klinikës private e cila u sekuestrua pasi ishte “vatra” e burimit të parave të familjes që rridhnin nga xhepat e pacientëve me kimio.
Komentet e saj janë vënë re nga qytetarët të cilët i janë kthyer pa ia lënë mangut duke e kritikuar për gjuhën e përdorur. Sot në gjykatë Gashi tha se “ka bërë thjesht punën e tij” pa dhënë komente të mëtejshme për gazetarët.
Vajza e Edmond Gashi ka nisur një aksion në formë hakmarrje ndaj atyre që shajnë dhe mallkojnë babain e saj i cili thurte plane për të bërë pushime në Maldive dhe Tajlandë pikërisht me lekët e pacientëve me kancer.
Edmond Gashi është nën hetim nga Prokuroria e Tiranës pasi akuzohet se dërgonte pacientët me kancer nga spitali i Onkologjikut tek klinika e tij private “Megis”. Skandali u bë publik ditën e djeshme pas dyshimeve të ngritura nga SPAK se në spitalin Onkologjik të QSUT-së, bëhen pazare me jetët e pacientëve me kancer. Mjekë e punonjës të tjerë janë përfshirë në një skemë abuzive, ku dyshohet se pacientët e sëmurë me kancer nuk merrnin shërbim në spitalin shtetëror, por dërgoheshin në klinikat private dhe spitalet private ku punonin mjekët. Aty ata detyroheshin të paguanin shuma të mëdha për të marrë shërbimin e kimioterapisë apo dhe operacione.
Me poshte disa nga komentet ku vajza e mjekut “përplaset” me komentuesit:
- “Skema” si vepronin mjekët në Spitalin e Onkologjikut në QSUT
Një hetim i bërë nga Prokuroria e Tiranës zbuloi skemën ku përfshihen mjekë të shërbimit onkologjik dhe stafi i këtij shërbimi të cilët transferonin pacientë nga shërbimi onkologjik drejt klinikave private.
Madje edhe e vetmja aparaturë ajo e kobaltit e cila shërben për radioterapitë për pacientët me tumore mbahej e prishur me qëllim në mënyrë që ky shërbim të mos merrej këtu por në klinika private.
Madje klinika private “Megis”, e mjekut Edmond Gashi që shërbente në Onkologjik është pezulluar deri në një moment të dytë. Sipas informacioneve, ishte një familjar i një prokurori i cili ka denoncuar dhe ka nisur ky hetim.
Telefonat e mjekëve dhe kordinatorëve të këtij shërbimi janë mbajtur në vëzhgim për një kohë të gjatë nga ku kanë rezultuar biseda dhe pazare të mirëfillta si në shitjen e medikamenteve citostiatike të cilat janë të kushtueshme deri dhe për tarifat që merreshin për ndërhyrje kirurgjikale të cilat varionin nga 4 deri 5 mijë euro.
Këto pazare bëheshin duke llogaritur dhe destinacione të pushimeve luksoze, bazuar në bisedat e tyre me mesazhe.
Lexo edhe:
VIDEO/ U la në arrest shtëpie, mjeku Gashi ia fut vrapit pas vendimit të Gjykatës
