Ish-ministri i Shëndetësisë, Tritan Shehu, teksa komenton skandalin tek Onkologjiku, tha se shteti është aktori kryesor që stimulon të tilla ngjarje që ka të bëjë me kontrabandën e ilaceve.
‘’Sistemi shëndetësor, farmaceutika janë një skandal i tërë. Një skandal i cili lidhet së pari me politikat korruptive.
Unë e konsideroj pjesë të një skandali të madh të farmaceutikës shqiptare ku aktori kryesor është shteti, i cili stimulon kontrabandën e medikamenteve’’, tha Shehu për oranews.
Shehu shprehet se kjo ngjarje bën që qytetarët ta humbasin akoma më shumë besimin në sistemin shëndetësor duke treguar dështimin e premtimit për shërbim mjekësor falas.
‘’Unë mendoj se qytetarët kanë humbur besimin tek Shëndetësia që tek përrallat e shëndetësisë falas’’, tha Shehu.
