Shqipëria ka mbyllur rrugëtimin në Kampionatin Europian të futbollit duke u eliminuar në fazën e grupeve.
Aventura e kuqezinjve u mbyll me humbjen 1-0 ndaj Spanjës duke u pozicionouar të fundit në Grupin B.
Goli i Ferran Torres vendosi sfidën e luajtur në “Merkur Spiel-Arena”, në prani të 40 mijë tifozëve shqiptarë.
Ndeshja nisi me dominimin e Spanjës, që sulmoi në start dhe gjeti shpejt golin me Ferran Torres (13′).
Ndërsa kuqezinjtë ishin në pritje në pjesën e parë, duke tentuar vetëm të mos pësojnë, pa thumbuar thuajse asnjëherë portën e Raja përveç Asllanit në fundin e fraksionit të parë të lojës.
Në pjesën e dytë, me inkuadrimin në lojë të Armando Brojës dhe Arbër Hoxhës ekipi i Sylvinho-s u duk sikur u ringjall në fushë, duke krijuar më shumë raste, por as kaq nuk mjaftoi për të shënuar duke dalë duar bosh.
Me 1 pikë në 3 ndeshje, Shqipëria e mbyll aventurën Evropiane në vendin e fundit, por këto kanë pak rëndësi, fituam shumë eksperiencë për t’u rikthyer shumë shpejt në nivele të tillë.
Grupi B u mbyll me dramë, me Italinë që barazoi 1-1 në fund ndaj Kroacisë. Me këtë rezultat, axurrët kalojnë tutje si vend i dytë (4 pikë), ndërsa Kroacia s’ka shpresa me 2 pikë në vendin e 3-të.
Renditja finale e Grupit B:
