Ekspertja e politikave ekonomike, Brisida Shehaj ka komentuar raportin e fundit të UNICEF që thotë se 47% e fëmijëve shqiptarë ishin të kequshqyer.
Shehaj zbuloi se si UNICEF paguan në Shqipëri, Linda Ramën, bashkëshortja e Edi Ramës, për të bërë projekte e për të përcaktuar se ku duhet të investohet, ndërkohë që i shoqi përcakton politikat e këtij vendi.
Shehaj shprehet e revoltuar se në Shqipëri çdo gjë është e lidhur në formë klienteliste.
“Më vjen mirë që UNICEF-it i paskan vajtur shifrat, sepse kjo organizatë paguan Linda Ramën në Shqipëri, për të bërë projektet dhe për të bërë edhe këtë projektin e ekonomisë së qëndrueshme në vend, që na përcakton edhe fushat ku duhet të investohet në këtë ekonomi të qëndrueshme dhe paratë i merr Linda Rama, gruaja e kryeministrit.
Përsa i përket Bankës Botërore, këto shifra dhe informacione ne këto shifra i kemi diskutuar që në 2020.
Në një ekonomi, këta ministra, drejtorë, e kushdo tjetër, kur bëhej analiza e rritjes ekonomike dy ishin fushat; ndërtim dhe energji. Ne ishim peng e shirave, nëse do prodhohej energji dhe ndërtimi. Sot është futur edhe një fushë që është shitja apo blerja pasurisë së palujtshme.
Të gjithë këta institucion ndërkombëtare e dinë shumë mirë se që nga viti 2015-16, kjo është fusha kryesore dhe këto janë të ardhurat ekonomike që ka Shqipëria.
Pra nuk prodhojmë ekonomi, ne nuk prodhojmë asgjë.
Nëse rritja ekonomia 3-4 për qind varet nga energjia e shitur nëse të ra shi apo jo dhe pjesa tjetër janë investimet në ndërtim.
Shqipëria, opozita dhe të gjithë duhet të dalim nga kompleksi i të qenit ‘fair’ me institucionet ndërkombëtare që e shkatërruan dhe po vazhdojnë të financojnë këtë qeveri të kriminalizuar.
Tani ka vajtur aty ku nuk mund të fshihet më.
UNICEF paguan për projekte gruan e kryeministrit të vendit. Si mundet gruaja e kryeministrit të vendit të marrë projekte dhe të flasë për Shqipërinë, kur është i shoqi ai që përcakton politikat e këtij vendi.
Këtu çdo gjë është e lidhur në formë klienteliste. Ka vajtur atje ku nuk mban më”, tha Shehaj në ‘Task Force’ në SYRI TV.
