Skocia është e eliminuara e parë e këtij edicioni të kampionatit europian, teksa është mposhtur me rezultatin 1-0 në ndeshjen e fundit të grupit nga Hungaria të luajtur në në Stuttgart, me një duel që u mbyll me një fund dramatik.
Një ndeshje me shumë emocione, por që në fushën e lojës fillimisht pa dy skuadra të kujdesshme, me rastet që nuk munguan, por pa saktësinë e duhur përpara portave respektive.
Fraksioni i dytë i lojës pati momente paniku në fushë. Në minutën e 67′ t[ takimit u regjistrua një përplasje e frikshme e portierit Gunn me sulmuesin e Hungariës, Varga, me këtë të fundit që ra pa ndjenja në tokë. Sulmuesi hungarez pas ndihmës së parë të stafit mjekësor, u largua me ndihmën e barelës dhe me duartrokitjet e të gjithë stadiumit, pas situatës që i tronditi të gjithë.
Koha e rregullt u mbyll pa gola, teksa në fund u akorduan dhjetë minuta shtesë dhe pikërisht në frymën e fundit të minutls së ‘100 Hungaria realizoi golin e fitores falë një kundërsulmi me anë të Csoboth.
Me këtë fitore Hungaria mbyll grupin në vendin e tretë me 3 pikë, teksa tashmë shpreson të kualifikohet si një prej 4 vendeve të treta më të mira.
Ky rezultat trishton Shqipërinë, e cila me një rezultat 0-0 edhe Hungaria do të ishte e eliminuar dhe i do i rriteshin mundësitë kuqezinjëve për t’u kualifikuar edhe me një baarzim ndaj Spanjës, si një prej 4 vendeve të treta më të mira, por tashmë shanset janë shumë të pakta dhe duhet vetëm fitorja përballë spanjollëve për t’u kualifikuar për më tej.
Ndeshja tjetër në grupin A mes Gjermanisë dhe Zvicrës u mbyll në barazim 1-1, me gjermanët që kualifikohen si “kokë” grupi.
