Trajneri i njohur, Shpëtim Duro, në një intervistë të fundit tha se Spanja do të jetë në nivel maksimal, edhe pse do ketë ndryshime ndaj Shqipërisë.
Ish-trajneri i Dinamos dhe Partizanit, i ftuar në “Euro 24” në News 24 tha se Kombëtarja shqiptare duhet të futet në fushë me mentalitetin e ndeshjes kundër Kroacisë, teksa sipas tij rezultati i takimit varet nga reagimi ynë në fushë.
Sa i takon mundësisë për të kaluar grupin me 2 pikë, Duro e shikon si një mision të vështirë.
“Sa i takon lodhjes, dihet që janë të freskët, pasi disa nuk kanë luajtur. Ato do luajnë që të justifikojnë veten e tyre. Broja, Manaj, çfarë themi ne, ka filluar konkurrenca aty.
Gjithçka varet nga ne, nga mënyra sesi do reagojmë ne. Nuk duhet të luajmë si në pjesën e parë me Italinë. Duhet të luajmë si në pjesën e parë me Kroacinë.”
Kualifikimi me 2 pikë? Do të jetë e vështirë. Le të luajmë në nivelin si ndaj Kroacisë” – tha ai.
