Presidenti i PL-së, Ilir Meta ka dhënë një deklaratë të fortë sai përket marrëdhënies së tij private me Monika Kryemadhin.
Meta ka konfirmuar se tashmë ndodhet në proces divorci me Monika Kryemadhin të cilën e quajti “ish-bashkëshorte”. Biseda në studio:
Çim Peka: Kur ju nuk mund të bindni ish-kryetaren e LSI-së dhe bashkëshorten tuaj që SPAK është i kapur nga Edi Rama, si mund të bindni publikun dhe anëtarësinë tuaj?
“Keni shumë të drejtë. Pas kësaj deklarate, zonja Kryemadhi është ish-bashkëshortja ime. Dhe sot kam ndjekur edhe rrugën juridike për këtë cështje dhe kam njoftuar edhe djalin tim Besar Ilir Meta, i cili më ka thënë pak kohë më parë që kur kemi kaq shumë tensione dhe probleme me njërin tjetrin mund të gjeni ndonjë zgjidhje me të qetë dhe unë besoj se e kam gjetur një zgjidhje”, tha Meta për Syri tv.
