Sekretari Politik i Partisë së Lirisë për Qarkun e Beratit, Lefter Maliqi është paraqitur paraditen e kësaj të marte pranë ambienteve të Prokurorisë së Posaçme kundër Korrupsionit dhe Krimit të Organizuar.
Maliqi tregon për mediat se ka depozituar kallëzimin e radhës dhe një memo drejtuar Dumanit duke marrë shkas nga aplikacioni SKY dhe aksioni i Metamofozës ku 5 u arrestuan dhe 45 të tjerë janë të lirë për shkak të kapjes së drejtësisë.
Sipas Maliqit, babloku i Surrelit ka kapur drejtësinë.
”Depozitova kallëzimin e radhës dhe një memo po të radhës drejtuar Dumanit duke marrë shkas nga aplikacioni SKY dhe aksioni i Metamofozës ku 5 u arrestuan dhe 45 të tjerë janë të lirë për shkak të kapjes ë drejtësisë dhe dekonspirimit nga organet e drejtësisë dhe policia e shtetit. SPAK eshte i kapur. Po merret pa fakte me kreret e opozites. Ka urdher nga Rama, eshte i kapur. ”, tha Maliqi para SPAK.
