Një aksident i frikshëm ka ndodhur në Qafë-Thanë, në afërsi të fshatit Lin.
Një kamion i ngarkuar me gaz është rrëzuar duke shkaktuar panik në këtë aks por për fat të mirë drejtuesi i mjetit ka marrë dëmtime të lehta.
Momentalisht një korsi e Qafë-Thanës është e bllokuar, por qarkullimi kryhet lirshëm. Policia ndodhet në vendngjarje ndërsa po operohet me kujdes për lëvizjen e kamionit për shkak të ngarkesës që mban.
Nuk dihen shkaqet e aksidentit, por grupi hetimor dyshon tek shpejtësia e lartë në kthesë.
