Turqia ka marrë një fitore të madhe, ku në “Signal Iduna Park” mposhti 3-1 Gjeorgjinë, sfidë në kuadër të Grupit F të Kampionatit Europian.
Turqit dominuan që nga fillimi i lojës, me djemtë e teknikut, Vincenzo Montella, që arritën të kalonin në avantazh, që në minutën e 25’-të, falë “perlës” së Mert Muldur, i cili tund rrejtën e Mamardshvili.
Epërsia do të thellohej vetëm 2 minuta më vonë falë talentit të Juventus, Kenan Yildiz, mirëpo pas një rishikimi të golit me anë të sistemin VAR anullohet për offisde.
Megjithatë pjesa e parë nuk do të përfundonte me kaq, pasi në minutën e 32’-të, Georges Mikautadze shtang turqi, duke barazuar shifrat, për të mbyllur pjesën e parë, në 1-1.
Me nisjen e pjesës së dytë, turqit u hodhën në sulm për të ndëshkuar sërish “Kryqëtarët” dhe në minutën e 65’-të, pas një pasimi të shkurtër pranë mesfushës, Arda Guler lëshon një të majtë potente drejt portës së Mamardashvili duke e çuar topin në cepin më largët të mundshëm e duke shënuar ndoshta golin më të bukur, deri në këtë pikë të Euro 2024.
Ndërsa për të vulosur rezultatin mendoi Akturkoglu, i cili përfiton nga një kundërsulm i shpejtë në sekondat e fundit të lojës, duke dërguar topin në rrjetën e boshatisur.
