Kryetari i Partisë Demokratike, Sali Berisha i ka bërë thirrje qytearëve që ditën e premte të mblidhen te protesta që do zhvillohet te Bashkia e Tiranës, ku kërkohet dorëheqja e kryebashkiakut Erion Veliaj, pas publikimit të skandalit me inceneratorin fantazëm dhe dosjen 5D ku drejtorët e tij vidhin 100% fondet e bashkisë.
‘E premtja na pret në protestë te bashkia! Fytyra si McGonigal dhe Vlahutin do marrin përgjigjen e merituar’, bëri thirrje Berisha.
Berisha: E premtja na pret, na pret te bashkia në realizimin e qëllimit tonë.
Në betejën tonë kundër vjedhjes së shqiptarëve.
Çdo shqiptar duhet të jetë krenar se po zbërthehet, po del në pah fytyra e shëmtuar, kalbësira e korrupsionit transnacional.
Fytyra si McGonigali, si Vlahutini, ambasadorja që blinte me 4 mijë euro metrin katror aty ku shitej 1300.
Do marrin përgjigjen e merituar.
Vërtet Tirana është djepi i korruptimit, por Tirana e opozitës do jetë Tirana e ndëshkimit të tyre në Shqipëri dhe kudo që janë.
Rrofshi ju, rroftë Shqipëria.
Fitore, fitore, fitore!
