Anglia e ka nisur me fitore këtë edicion të kampionatit europian “Gjermani Euro 2024”, edhe pse jo aq bindës në rezultat.
“Tre Luanët” arritën të mposhtnin minimalisht 1-0 Serbinë në ndeshjen e luajtur në stadiumin “Veltis Arena” të Shalkes, të vlefshme për grupin C.
Goli i vetëm u shënua Jude Bellinghami që në minutën e ’13 të takimit, duke u kthyer kështu në një hero për anglezët në mbrëmjen e sotme. Ishte Bukayo Saka, ai i cili depërtoi nga krahu i djathtë dhe më pas krosoi në zonë, aty ku gjeti Bellingham, i cili lehtësisht e çoi topin në rrjet pas gjuajtjes me kokë.
“Tre Luanët” patën shanse të tjera për të ta thelluar rezultatin, madje në pjesën e dytë Harry Kane goditi edhe traversën, pas devijimit të portierit serb, por rezultati mbeti ai i fillimit të pjesës së parë.
Në minutën e ’43 të takimit, Serbia bëri një zëvendësim të detyruar, pasi Filip Kostiç nuk ia doli dot të vazhdonte pas dëmtimit të marrë dhe i la vendin Filip Mladenoviç.
Me këtë fitore, Anglia kryeson e vetme në grupin C, pasi ndeshja tjetër Slloveni-Danimarkë u mbyll në barazim 1-1. Në ndeshjen e ardhshme, Anglia luan kundër Danimarkës më 20 Qershor, teksa Serbia do të provojë të marrë pikët e para përballë Sllovenisë, në ndeshjen që luhet në po të njëjtën datë.
