Holanda, edhe pse jo bindëse, ka arritur të marrë 3 pikë në ndeshjen e parë të kampionatit europian “Gjermani 2024”.
Në ndeshjen e vlefshme për grupin D, “tulipanët” kanë arritur të marrin një fitore me përmbysje 1-2 ndaj Polonisë, e cila edhe pse me Robert Lewandowski-n gjatë gjithë ndeshjes në stol, u treguan një “kockë e fortë” për holandezët.
Me të besuarit e Koeman që shpërdoruan shumë në fraksionin e parë të lojës, u befasuan në minutën e ’16 të takimit. Qendërsulmuesi Adam Buksa, pas një goditje këndi, goditi topin me kokë duke e çuan në rrjetë dhe duke kaluar polakët në avantazh.
Pavarësisht rasteve që nuk i munguan Holandës, goli i barazimit do të vinte vetëm në minutën e ’29 të ndeshjes. Ishte sulmuesi i Liverpool, Cody Gakpo, i cili gjuajti nga jashtë zone dhe me pak fat, topi preku mbrojtësin polak duke u devijuar për në rrjetë me Sheznin që nuk kishte çfarë të bënte.
Me këtë rezultat, të dy ekipet iu drejtuan dhomave të zhveshjes, teksa në fraksionin e dytë të lojës, Holanda u shfaq me shumë fytyra, ku edhe Polonisë nuk i munguan rastet e saj.
Goli i fitore për “tulipanët” do të shënohej në minutën e ’83 të ndeshjes me Wout Weghorst, i sapofutur në fushën e lojës, duke u ndërruar kokë më kokë me Memphis Depay, i cili shpërdoroi shumë, Numri 9 i Holandës, topin e parë të prekur e çoi në rrjet, duke gjuajtur sakt, pas një asist nga Ake.
Holanda ndeshjen e radhës do ta zhvillojë kundër Francës me 21 qershor, ndërsa Polonia e ka me Austrinë në po atë datë.
GOLAT E NDESHJES:
